ATƏT-in Xarici İşlər Nazirləri Şurasının iclası 4-5 dekabr tarixlərində Avstriyanın paytaxtında keçirildi. Rusiyanı tədbirdə xarici işlər nazirinin müavini təmsil edirdi.
Vyanada Avropada Təhlükəsizlik və Əməkdaşlıq Təşkilatının (ATƏT) Xarici İşlər Nazirləri Şurasının illik iclası başa çatdı.
İclasda çıxış edən İsveçrənin ATƏT-dəki səfiri Rafael Negeli qeyd etdi ki, İsveçrənin 2026-cı ildə sədrliyi dövründə ATƏT Ukraynanın tənzimlənməsi və təşkilat məkanında daha təhlükəsiz gələcəyin təmin edilməsi məsələlərinə diqqət yetirəcək.
Xatırladırıq ki, 2025-ci ildə Finlandiya ATƏT-ə sədrlik edib. İsveçrə gələn il təşkilatın sədri olacaq.
ATƏT-in Xarici İşlər Nazirləri Şurası ənənəvi olaraq dekabrın ilk həftəsində keçirilir. Bu il tədbir 4-5 dekabr tarixlərində keçirildi.
