Ukrayna Silahlı Qüvvələrinə məxsus dronların hücumuna məruz qalan “Kairos” tankeri Bolqarıstan sahillərində saya oturub.
AzPost bildirir ki, yerli medianın məlumatına görə, Rusiyanın “kölgə donanması”nın bir hissəsi olduğu düşünülən gəmidəki 10 heyət üzvünün hamısı təxliyə edilib. “Bloomberg” Bolqarıstan Dəniz Administrasiyasına istinadən bildirib ki, xilasetmə əməliyyatları əlverişsiz hava şəraitində aparılıb.
28 noyabr axşamı Ukraynanın “Sea Baby” dronları Türkiyə sahillərində Qara dənizdə “Kairos” və Rusiyanın “kölgə donanmasının” bir hissəsi olduğu düşünülən başqa bir tanker olan “Virat”a hücum edib. Tankerlər boşaldılıb və Novorossiysk limanına gedir. Hər iki gəmi Qambiya bayrağı altında üzür və Qərb sanksiyalarına məruz qalır.
