Dekabrın 6-da “Yas Marina” trasında Formula-1 üzrə 2025-ci il mövsümünün final mərhələsinin üçüncü və son sərbəst yürüşü baş tutub.
90deqiqe.Az-ın məlumatına görə, sessiyada ən sürətli dövrəni “Mercedes” pilotu Corc Rassell göstərib.
“Maklaren” sürücüsü və şəxsi birinciliyin lideri Lando Norris ikinci nəticəyə imza atıb. Üçüncü pillədə isə “Red Bull” pilotu Maks Verstappen qərarlaşıb.
Pit-leyndə insident də qeydə alınıb. “Mercedes” sürücüsü Andrea Kimi Antonelli boksları tərk edərkən təsadüfən “Red Bull” pilotu Yuki Tsunodanın bolidinə çırpılıb. Zərbədən sonra Tsunoda sessiyanı vaxtından əvvəl dayandırmalı olub və sürətli cəhdlər etməyib.
Formula-1, Əbu-Dabi Qran-prisi – 3-cü sərbəst yürüşün nəticələri
Corc Rassell (“Mercedes”) — 1:23.334
Lando Norris (“Maklaren”) +0.004
Maks Verstappen (“Red Bull”) +0.124
Fernando Alonso (“Aston Martin”) +0.251
Oskar Piastri (“Maklaren”) +0.259
Esteban Okon (“Haas”) +0.271
Oliver Berman (“Haas”) +0.275
Şarl Lekler (“Ferrari”) +0.341
Andrea Kimi Antonelli (“Mercedes”) +0.373
Aleks Albon (“Uilliams”) +0.388
Qabriel Bortoletto (“Kick-Sauber”) +0.457
Karlos Sains (“Uilliams”) +0.477
Niko Hyulkenberq (“Kick-Sauber”) +0.536
Lens Stroll (“Aston Martin”) +0.561
Liam Lauson (“Racing Bulls”) +0.613
İsak Hacjar (“Racing Bulls”) +0.645
Pyer Qasli (“Alpine”) +0.738
Lyuis Həmilton (“Ferrari”) +1.136
Franko Kolapinto (“Alpine”) +1.167
Yuki Tsunoda (“Red Bull”) +1.369
