Misli Premyer Liqasında 14-cü tur davam edir.
Fanat.Az xəbər verir ki, dünən start götürən tur çərçivəsində bu gün daha bir matş oynanılacaq.
Dörd günü əhatə edəcək turun ikinci oyunu Yevlaxda baş tutacaq. "Karvan-Yevlax" öz meydanında "Şamaxı"nı qonaq edəcək. Meydan sahiblərinin sükanı arxasında ilk iki sınağını "Qarabağ"a qarşı keçirən Füzuli Məmmədov bu dəfə münasib rəqiblə üz-üzə gələcək. Sonuncu pillədən xilas olmağa çalışan yevlaxlılar doğma azarkeşləri önündə qələbə qazanmaq əzmindədir. Start fiti saat 14:00-da səslənəcək qarşılaşmanı Cavid Cəlilov idarə edəcək.
Qeyd edək ki, ötən gün keçirilən açılış oyununda "Zirə" ilə "Qarabağ" hərəyə 1 qol vurub 1 xalla kifayətləniblər (1:1). Turun qalan oyunları bazar ertəsi və çərşənbə axşamı reallaşacaq.
Misli Premyer Liqası
14-cü tur
7 dekabr
14:00. "Karvan-Yevlax" – "Şamaxı"
Hakimlər: Cavid Cəlilov, Namiq Hüseynov, Kamran Bayramov, Nicat İsmayıllı.
VAR: Rəşad Əhmədov, Emin Əliyev.
Hakim-inspektor: Ramil Diniyev.
AFFA nümayəndəsi: Azər Əsgərov.
Yevlax şəhər stadionu.
