Rusiya isti, qarsız hava səbəbindən məhsul çatışmazlığı ilə üzləşə bilər, çünki tumurcuqlar şişməyə başlayıb.
NOCOMMENT.az xəbər verir ki, bu barədə Shot Telegram kanalının məlumat yayıb.
Rusiya Elmlər Akademiyasının Baş Nəbatat Bağının Dendrologiya Laboratoriyasının baş elmi işçisi İqor Yatsenkonun sözlərinə görə, soyuq havalarda tumurcuqların oyanması bitki qönçələrini zədələyə, onların inkişafını ləngidə bilər. Bu da meyvə ağaclarının məhsuldarlığını azalda bilər.
Torpağı dərin dondan qorumalı olan qar örtüyünün olmaması vəziyyəti daha da ağırlaşdırır. Bitkilər qarsız havada gələcək qəfil şaxtalara dözə bilməzlər.
Bundan əvvəl Rusiya Hidrometeorologiya Mərkəzinin elmi direktoru Roman Vilfand bildirmişdi ki, gələn həftənin ortalarına qədər Rusiyanın 92 faizi qarla örtüləcək. O, həmçinin qeyd edib ki, bazar ertəsindən başlayaraq Volqa Federal Dairəsində gecə ərzində temperatur şaxtadan aşağı, -4 ilə -9 dərəcə arasında dəyişəcək.
