Azərbaycanın elm və təhsil naziri Emin Əmrullayev Gürcüstan Texniki Universitetinin fəxri doktoru adına layiq görülüb.
Doğru.az xəbər verir ki, tədbir Gürcüstanın təhsil, elm və gənclər naziri Givi Mikanadze ilə Emin Əmrullayevin universitetə səfəri zamanı keçirilib.
Görüşdə ali təhsil və elm sahəsində əməkdaşlığın gücləndirilməsi, birgə layihələr, tələbə-müəllim mübadiləsi kimi mövzular müzakirə olunub.
Gürcüstan Texniki Universitetinin rektoru David Qurqenidze bildirib ki, Emin Əmrullayev universitet ilə Azərbaycan ali təhsil müəssisələri arasında akademik və elmi əlaqələrin inkişafına verdiyi töhfələrə görə bu ada layiq görülüb.
DOĞRU.AZ
