Ayna portalından əldə olunan məlumata əsasən, ain.az xəbər verir.
Tayland ərazisi BM-21 çoxlu buraxılışlı raket sistemləri ilə atəşə tutulub
Kamboca Tayland ərazisini BM-21 çoxlu buraxılışlı raket sistemləri ilə atəşə tutub. AYNA.AZ xarici mediaya istinadən bildirir ki, bu barədə Tayland Ordusunun İkinci Hərbi Bölgəsi məlumat yayıb.
Məlumatda deyilir: "Kamboca qüvvələri Buriram əyalətindəki mülki əraziləri BM-21 raketləri ilə atəşə tutub. Hazırda itkilər barədə məlumat yoxdur. Tayland Ordusunun İkinci Hərbi Bölgəsi Tayland xalqını və milli suverenliyini müdafiə edəcək".
Tayland Kral Ordusu əvvəllər Tayland-Kamboca sərhədində baş verən toqquşmalarda bir Tayland əsgərinin öldüyünü və dörd əsgərin yaralandığını bildirmişdi. Məlumata görə, Kamboca qüvvələri yerli vaxtla səhər saat 5:00-dan etibarən Tayland mövqelərini atəşə tutub. 8 dekabrda Tayland Hərbi Hava Qüvvələri Kamboca silahlı qüvvələrinin mövqelərinə zərbələr endirib. Məlumata görə, zərbələr hərbi infrastrukturu, silah anbarlarını, komanda məntəqələrini və logistika yollarını hədəf alıb.
Ən son xəbərləri və yenilikləri almaq üçün ain.az saytını izləyin.
