Türkiyənin “Pegasus Airlines” aviaşirkəti “Czech Airlines” və onun törəmə şirkəti “Smartwings”i 154 milyon avroya alacaq.
Yeniavaz.com xəbər verir ki, Türkiyə şirkəti sövdələşməni elan edərkən, hər iki brendi saxlamağı planlaşdırdığını bildirib.
“Donanmamızı 14 təyyarədən 127 təyyarəyə çatdıraraq, biz dünyanın ən səmərəli və gəlirli hava yollarından birinə çevrilmişik”, - aviaşirkət qeyd edib.
Əməliyyat çex daşıyıcılarından debitor borclarının hesablaşmasını nəzərdə tutur və satınalma prosesi lazımi hüquqi təsdiqlər alındıqdan və köçürmə şərtləri yerinə yetirildikdən sonra başa çatacaq.
“Pegasus Airlines” 1990-cı ildə fəaliyyətə başlayıb və hazırda 114-ü 54 ölkədə olmaqla 153 istiqamətə uçuşlar həyata keçirir. Şirkıt İstanbulun Asiya tərəfindəki Sabiha Gökçen Beynəlxalq Hava Limanında yerləşir.
