Avropa İttifaqının (Aİ) 7 lideri Ukraynaya maliyyə dəstəyi göstərmək üçün dondurulmuş Rusiya aktivlərindən istifadə məsələsini qaldırıb.
Missiya.Az "Starhaber"ə istinadən xəbər verir ki, bu barədə Aİ Şurasına məktub göndərilib.
"Ukraynanın büdcə və hərbi ehtiyaclarının hazırkı miqyasını və aktuallığını nəzərə alaraq, biz Komissiyanın Aİ-də dondurulmuş Rusiya aktivlərindən əldə edilən pul qalıqları hesabına kompensasiya krediti təklifini qətiyyətlə dəstəkləyirik",-sənəddə bildirilib.
Qeyd edək ki, məktubu Estoniya, Finlandiya, İrlandiya, Latviya, Litva, Polşa və İsveç liderləri Aİ Şurasının sədri Antonio Kostaya ünvanlayıb.
İlahə Qənbərli
Missiya.Az
