İsrailin Baş naziri Benyamin Netanyahu Suriya Xarici İşlər Naziri Əsəd Həsən Şeybaninin "İsrail Suriya ərazisindən çəkilməyincə, heç bir razılaşma olmayacaq" açıqlamasına reaksiya verib.
Publika.az yerli mətbuata istinadən xəbər verir ki, Netanyahu İsrailin Suriyada Əsəd rejiminin devrilməsindən sonra işğal etdiyi ərazilərdən çəkilməyəcəyini təkrarlayıb.
O, Baas rejiminin süqutundan sonra Suriyanın cənubunda işğal etdikləri Hermon dağına və 1967-ci ildən bəri işğal etdikləri Qolan təpələrinə bitişik bufer zona məsələsinə toxunub: "Biz bu aktivləri qorumaq istəyirik. Dəməşqlə ölkənin cənubunu silahsızlaşdıracaq və druzlara sahib çıxılacaq bir razılığa gəlməyə ümid edirik".
