Bizimyol saytına istinadən ain.az xəbər verir.
Birləşmiş Ştatlar hesab edir ki, son il ərzində Suriyanın keçid rəhbərliyi ölkədə vəziyyətin yaxşılaşdırılması üçün bir sıra mühüm addımlar atıb. Vaşinqton, etno-dini azlıqların hüquqlarının qorunmasını təmin edən sabit dövlətçiliyin qurulması yolunda ərəb respublikasına dəstəyini davam etdirməyə hazırdır.
Bizimyol.info xəbər verir ki, bunu ABŞ dövlət katibi Marko Rubio bildirib.
“Biz Suriyanın rəhbərliyi və Suriya xalqı tərəfindən keçid mərhələsində atılan mühüm addımları, eləcə də beynəlxalq tərəfdaşların dəstəyini qeyd edirik. Suriya xalqının əzmkarlığını yüksək qiymətləndiririk və azlıqları da özündə ehtiva edən, bütün qonşuları ilə sülh içində yaşayan, dinc və firavan Suriya quruculuğuna dəstəyimizi təsdiqləyirik”, — deyə Rubio "X" sosial şəbəkəsində yazıb.
Bundan əvvəl Ağ Ev tərəfindən açıqlanan yenilənmiş ABŞ Milli Təhlükəsizlik Strategiyasında Vaşinqtonun Suriyada sabitliyə nail olmaq və onu “problem” statusundan Yaxın Şərqdə konstruktiv rol oynayan bir aktora çevirmək niyyəti vurğulanmışdı. Sənəddə qeyd olunurdu ki, Suriya regionda öz “qanuni yerini” tutmalıdır.
2024-cü il noyabrın 27-də silahlı müxalifət qrupları Suriya ordusunun mövqelərinə genişmiqyaslı hücuma başladılar. Dekabrın 8-də onlar Dəməşqə daxil oldular, prezident Bəşər Əsəd vəzifəsindən gedib və ölkədən qaçaraq Rusiyaya gedib. Suriyanın faktiki lideri Əhməd əş-Şaraa odır. O, 2025-ci il yanvarın 29-da dörd-beş il davam edəcək keçid dövründə özünü prezident səlahiyyətlərini icra edən şəxs elan edib.
5 oktyabrda Suriyada Xalq Şurasına — ərəb respublikasının birpalatalı parlamentinə seçkilər keçirildi. Səsvermə müvəqqəti seçki sistemi üzrə aparıldı: bu sistemə əsasən, qanunverici orqanın 210 deputatından 140-ı seçici kollegiyaları tərəfindən seçilir, qalan 70 nəfər isə prezident tərəfindən təyin olunur.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
