Bakı Dövlət Universiteti (BDU) 2 binanın tikinti işlərinə başlayır.
Ölkə.Az-ın məlumatına görə, təhsil müəssisəsi layihı ilə bağlı olaraq 10 milyon manatdan çox xərcləməyi planlaşdırır.
Bununla BDU-nun qazanxana binası və “Yüksək Texnologiyalar Mərkəzi”nin inzibati binası üzrə dayandırılmış tikinti işləri davam etdiriləcək.
Qeyd edək ki, dekabrın əvvəlində isə Bakı Dövlət Universitetinin (BDU) 1 saylı binasında əsaslı söküntü işlərinə başlanacağı barədə məlumat yayılıb. Təhsil müəssisəsi sözügedən xəbəri təsdiqləyib. Layihənin dəyəri 25 milyon manatdan çoxdur.
