Astara, 10 dekabr, İlkin Adıyev, AZƏRTAC
Astara rayonunda dənizdə itkin düşən balıqçıların şəxsiyyəti müəyyənləşib.
AZƏRTAC-ın bölgə müxbiri xəbər verir ki, ilkin məlumata görə, itkin düşən şəxslər 1997-ci il təvəllüdlü Həsənov Turan Eyvaz oğlu və 1999-cu il təvəllüdlü Həsənov Ağadədə Fəmi oğludur.
Onların ötən gecə Şahağac kəndi ərazisində balıq ovu məqsədilə dənizə çıxdıqları və geri qayıtmadıqları bildirilir.
Hazırda axtarış-xilasetmə tədbirləri Fövqəladə Hallar Nazirliyinin müvafiq qüvvələri tərəfindən davam etdirilir.
10:34
Astara rayonunda balıqçılar itkin düşüb.
AZƏRTAC-ın bölgə müxbiri xəbər verir ki, ötən gecə axşam saatlarında FHN-nə Astarada iki balıqçının dənizdə itkin düşməsi barədə məlumat daxil olub.
Dərhal əraziyə FHN-in Kiçik Gəmilərə Nəzarət və Sularda Xilasetmə Dövlət Xidmətinin xilasediciləri cəlb olunub. Məlum olub ki, rayonun Şahağac kəndi ərazisində iki balıqçı dənizə çıxıb və geri qayıtmayıb.
Hazırda onların axtarışları davam etdirilir.
