Malayziyanın baş naziri Ənvər İbrahim Tailand hökumət başçıları Anutin Çanvirakun və Kamboca Khun Manet ilə Tailand və Kamboca sərhədindəki gərgin vəziyyəti müzakirə edib.
Xalqcebhesi.az xəbər verir ki, bu barədə Ənvər İbrahim X-də yazıb.
"Dünən Kamboca və Taylandın Baş nazirləri ilə ortaq sərhədləri boyunca davam edən gərginliyi müzakirə etmək üçün danışdım. Hər iki liderin gərginliyi azaltmaq və vəziyyəti daha da gərginləşdirə biləcək hər hansı bir anlaşılmazlığın qarşısını almaq məqsədi ilə müzakirələri davam etdirmək üçün açıqlığını və istəyini yüksək qiymətləndirirəm. Hələlik yekun qərar əldə olunmasa da, davam edən diplomatik əlaqələr bu kritik dövrlərdə daha çox insidentlərin baş verməməsini təmin edib. Malayziya ortaq bölgəmizin sabitliyini və təhlükəsizliyini təmin etmək üçün dinc dialoqu, beynəlxalq hüquqa əsaslanan həlləri və gücləndirilmiş regional əməkdaşlığı dəstəkləməyə davam edəcək", - bildirib.
Məryəm Quliyeva
