ABŞ ordusuna məxsus iki hərbi təyyarə Venesuela hava sahəsinin yaxınlığında 30 dəqiqəlik uçuş həyata keçirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, ABŞ ilə Venesuela arasındakı gərginlik davam edərkən, Amerika hərbi təyyarələri Cənubi Amerika ölkəsinin hava sahəsinin yaxınlığında görülüb.
Uçuş izləmə məlumatlarına görə, iki ABŞ F/A-18 döyüş təyyarəsi Venesuela hava sahəsi yaxınlığında 30 dəqiqədən artıq müddətdə uçuş edib.
Məsələ ilə bağlı adı açıqlanmayan ABŞ rəsmisi iki F/A-18-in bölgədə rutin təlim uçuşu həyata keçirdiyini bildirib.
Rəsmi əlavə edib ki, təyyarələr uçuş müddətində beynəlxalq hava məkanında qalıb və tapşırıq hər hansı təxribat məqsədi daşımayıb.
