Baş prokuror yanında Elmi-Məsləhət Şurasının iclası Konstitusiya və Suverenlik İlində hüquqi dövlət quruculuğuna verilən strateji əhəmiyyəti bir daha nümayiş etdirdi.
QHT.az xəbər verir ki, Konstitusiya Araşdırmalar Fondunun rəhbəri, hüquqşünas Əliməmməd Nuriyev bildirib ki, Dövlət suverenliyinin konstitusion əsasları, insan hüquqları, korrupsiyaya qarşı mübarizə, cinayət təqibi və müdafiə institutunun problemləri barədə dərin elmi müzakirələr aparıldı:
"Yeni metodiki vəsaitlərin, elmi nəşrlərin və elektron hüquqi platformaların təqdim olunması isə prokurorluğun metodoloji inkişafına mühüm töhfədir. Hüquq sahəsində yüksələn gənclərin mükafatlandırılması isə bu prosesin davamlılığını təmin edən ən vacib addımlardandır".
