“Aston Villa” Fransa Liqa 1 təmsilçisi “Strasburq”un hücumçusu Xoakin Paniçellinin transferi üçün hərəkətə keçib.
Fanat.Az xəbər verir ki, İngiltərə mətbuatı 23 yaşlı argentinalı hücumçunun Premyer Liqa klubunun diqqət mərkəzində olduğunu yazıb.
Paniçelli bu mövsüm 19 matçda 10 qol vuraraq Avropanın bir çox komandasının marağına səbəb olub. “Aston Villa”nın hücum xəttini gücləndirmək niyyətində olduğu və oyunçunun qış transfer pəncərəsində əsas hədəflərdən biri olduğu bildirilir.
