Rusiya, ABŞ və Ukrayna arasında əsas məsələlərdə fikir ayrılıqlarının həlli həftələr və ya aylar çəkə bilər.
Editor.az xəbər verir ki, “The Washington Post” qəzeti Avropa rəsmilərinə istinadən xəbər verir ki, sülh danışıqları artıq ABŞ prezidenti Donald Trampın müəyyən etdiyi “Şükranlıq günü” son tarixini (27 noyabr) keçib. Eyni zamanda, ABŞ konkret bir son tarix məlum olmasa da, Ukraynaya təzyiq göstərməyə davam edir.
Yüksək vəzifəli Avropa rəsmisi televiziya kanalına bildirib ki, amerikalılar “tez nəticə istəyirlər”. Ağ Ev öz növbəsində israr edir ki, “Ukraynanı bəyənmədiyi bir razılaşmaya məcbur etmir”. Onlar deyirlər ki, məqsəd hər iki tərəf üçün məqbul olan, Ukraynanın suverenliyini təmin edəcək və onu uzunmüddətli perspektivdə qoruyacaq bir razılaşmaya nail olmaqdır.
Bir ABŞ rəsmisi Vaşinqtonun Kremllə razılaşdırdığı və Kiyevə təqdim etdiyi sülh planında ən mübahisəli olaraq qalan üç məqamı müəyyən edib. Buraya Ukrayna qoşunlarının Donbasdan çıxması tələbi, Kiyevin NATO-ya qoşulmasına qadağa və başlatdıqları müharibə üçün ələ keçirilən Qərbdəki Rusiya aktivlərinin dondurulmasının ləğvi daxildir.
//Samir Qurbanov, Editor.az
