Rusiya atəşkəs üçün deyil, sülh üçün çalışır. Metbuat.az xəbər verir ki, Kremlin sözçüsü Dmitri Peskov Ukrayna münaqişəsindən danışarkən belə deyib. O bildirib ki, Rusiya Ukraynada sülhün tərəfdarıdır. Ukrayna Prezidenti Vladimir Zelenskinin ölkəsində prezident seçkilərinin keçirilməsi ehtimalı ilə bağlı açıqlamalarına gəlincə, Peskov bunun yeni proses olduğunu ifadə edib. Peskov bəyan edib ki, Rusiya Prezidenti Vladimir Putin uzun müddətdir ki, bunu irəli sürür. Peskov həmçinin ABŞ Prezidenti Donald Trampın "Politico"ya verdiyi müsahibəni dəyərləndirib. O, Trampın Ukraynanın NATO-nun üzvlü olmayacağı və ərazilərinin güzəştə getməsinin mümkünlüyü barədə açıqlamalarının Rusiyanın maraqlarına uyğun olduğunu ifadə edib.
