Avstriya İslam İcması (IGGÖ) parlamentin 14 yaşdan kiçik uşaqların məktəblərdə hicab taxmasını qadağan edən qanun layihəsini təsdiqləməsinə reaksiya verərək qərarı Konstitusiya Məhkəməsinə göndərəcəyini açıqladı.
Milli Şura 14 yaşdan kiçik uşaqların məktəblərdə hicab taxmasını qadağan edən qanun layihəsinə səs verib.Qanun layihəsi Yaşıllar Partiyası istisna olmaqla, bütün partiyaların dəstəyi ilə təsdiqləndi.

Qaydalara əməl etməyən uşaqların valideynləri üçün 150 avrodan 800 avroya qədər cərimə nəzərdə tutan qayda sanksiyaların 2026/2027 tədris ilindən etibarən tətbiq olunmasına imkan verir.
İGGÖ (Avstriyadakı İslam Dini İcması) qərar parlament tərəfindən təsdiqləndikdən sonra yazılı bir bəyanat yaydı.

Bəyanatda məcburiyyətin bütün formalarının tamamilə rədd edilməsi və inanclarına uyğun olaraq hicab taxmaq istəyən uşaqların hüquqlarının müdafiəsinin vacibliyi vurğulandı.

Bəyanatda ümumi qadağaların fundamental hüquq və azadlıqları pozduğu vurğulandı və könüllü olaraq dini ayinləri qəbul edənlərin bu cür ümumiləşdirmələrdən mənfi təsirləndiyi qeyd edildi.

Bəyanatda belə bir nəticəyə gəlindi: "Bu gün qəbul edilən qayda diqqətlə hüquqi araşdırmadan sonra konstitusiya və insan hüquqları ilə bağlı narahatlıqlar yaratdığı üçün İGGÖ Konstitusiya Məhkəməsinə müraciət edəcək."

aia.az
Tərcümə şöbəsi

• Qanun
• Məktəb
• Avstriya
• Hicab