Yeni araşdırma göstərib ki, çay istehlakı yaşlı qadınlarda daha yüksək və sıx sümük quruluşu ilə əlaqəli ola bilər.
QHT.az xəbər verir ki, on il ərzində aparılan tədqiqatda 65 yaşdan yuxarı 10,000 qadının məlumatları təhlil edilib və çay içənlərdə çanaq sümüyü sıxlığının bir qədər yüksək olduğu müəyyən olunub. Qəhvəyə gəldikdə isə gündə 2–3 fincan təhlükəsiz sayılır, lakin 5 fincandan çox qəbulu sümük sıxlığının azalması ilə əlaqələndirilir. Tədqiqat həmçinin göstərib ki, qəhvənin mənfi təsiri spirt istehlak edən qadınlarda daha aydın görünür, çay isə piylənməsi olan qadınlar üçün daha faydalı ola bilər. Mütəxəssislər nəticələrin vərdişləri kəskin dəyişdirməyə ehtiyac yaratmadığını, lakin gündə bir fincan çayın yaşlılarda sümük sağlamlığını dəstəkləyə biləcəyini bildirirlər.
R.İmanov
