Pezeşkiyan: "Rəşt-Astara dəmir yolunun tikintisi qurtarmaq üzrədir"

Bu sözləri İran Prezidenti Məsud Pezeşkiyan Türkmənistanın paytaxtı Aşqabad şəhərində keçirilən "Beynəlxalq Sülh və Etimad İli – 2025" forumu çərçivəsində Rusiya Prezidenti Vladimir Putin ilə görüşü əsnasında dilə gətirib. O vurğulayıb ki, yolun Tehran tərəfinə düşən qisminin 2026-cı ilin martınadək tamamilə çəkilib qurtarılması nəzərdə tutulur.

Putin və Pezeşkiyan görüşüblər | VİDEO

Məsud Pezeşkiyan layihənin icrasını şəxsən hər gün nəzarətdə saxladığını diqqətə çatdırıb.

Məlumat üçün bildirək ki, 2023-cü ildə Rusiya və İranFars körfəzinə çıxış imkanı qazanmaqüçün nəzərdə tutulan "Şimal-Cənub" layihəsi çərçivəsində Rəşt-Astara yolunun 160 kilometrlik hissəsinin birgə tikintisinə dair müqavilə imzalayıblar. Layihənin ümumiqiyməti 1,6 milyardavrodur.

Firudin Həmidli
AzVision.az