ABŞ Nümayəndələr Palatasının nəzarət komitəsindəki Demokrat Partiya üzvləri maliyyəçi Ceffri Epşteyn işi üzrə 95 min yeni fotoşəklin təqdim edildiyini açıqlayıb.
Publika.az xəbər verir ki, bəyanatda deyilir:
"Bu narahatedici görüntülər Epşteyn və onun dünyanın ən nüfuzlu insanlarından bəziləri ilə münasibətləri ilə bağlı daha çox sual doğurur".
Xatırladaq ki, Epşteyn yetkinlik yaşına çatmayanlara qarşı cinayətlərdə ittiham olunub və istintaq zamanı intihar edib. Noyabrın 20-də ABŞ Prezidenti Donald Tramp Ədliyyə Nazirliyindən Epşteynə qarşı federal istintaqın məxfiliyini 30 gün ərzində açmasını tələb edən qanunu imzalayıb.10 dekabrda Nyu-York ştatının cənub dairə məhkəməsi Epşteyn işi üzrə materialların dərcinə icazə verib.
