Almaniya kansleri Fridrix Merz yaxın gələcəkdə ölkədə hərbi çağırışın bərpası məsələsinin gündəmə gələ biləcəyini bildirib.
APA xəbər verir ki, Merz bu barədə Phoenix telekanalına açıqlamasında deyib.
Onun sözlərinə görə, əgər Silahlı Qüvvələrin şəxsi heyətinin sayı qısa müddətdə lazımi səviyyədə artırıla bilməzsə, bu məsələni müzakirə etmək qaçılmaz olacaq:
“Əgər biz ehtiyac duyduğumuz sayda hərbçini sürətlə cəlb edə bilməsək, bu seçki dövrü ərzində hərbi xidmətin məcburi elementlərini müzakirə etməli olacağıq”.
