Olke.az saytından alınan məlumatlara görə, ain.az xəbər verir.
Avropa Komissiyası Ukraynanı maliyyələşdirmək üçün başqa yollar tapmalıdır.
"Ölkə.az" xəbər verir ki, bunu Çexiya Baş naziri Andrey Babiş sosial mediada bildirib.
O, məsələni Brüsselə işgüzar səfəri zamanı Belçika Baş naziri ilə müzakirə etdiyini və hər iki tərəfin razılığa gəldiyini bildirib.
Babiş qeyd edib: "Xəzinəmiz boşdur və vətəndaşlarımızı dəstəkləmək üçün əlimizdə olan hər bir imkandan istifadə etməliyik".
Çexiya Baş nazirinin sözlərinə görə, o, Brüsseldə Çexiyanın SAFE proqramı çərçivəsində əlverişli kreditlərə çıxışını bərpa etməsi üçün danışıqlar aparıb.
"Çexiya hökuməti cəmi 2 milyard avro, Polşa 43 milyard avro, Macarıstan isə 16 milyard avrodan çox vəsait alıb".
Bundan əvvəl Avropa Birliyi Rusiya aktivlərini daimi olaraq dondurmaq qərarına gəlib.
AB aktivlərin dondurulmasını uzatmaq üçün hər altı aydan bir səs vermək əvəzinə, Rusiyanın 210 milyard avroluq suveren aktivlərini daimi olaraq dondurmağa razılaşıb.
BBC-nin məlumatına görə, Rusiyanın 2022-ci ildə Ukraynaya hücumu başlayandan bəri Qərb ölkələrində Rusiya Mərkəzi Bankının 200 milyard avrodan çox aktivi dondurulub. Bu vəsaitlərin əksəriyyəti Belçikadakı Euroclear depozitariyasındakı hesablarda saxlanılır.
Avropalılar bu puldan Ukraynaya "təzminat krediti" vermək üçün istifadə etmək istəyirlər. Bu ideyanın 19 dekabrda keçiriləcək Aİ sammitində müzakirə ediləcəyi gözlənilir.
Elvin
Ölkə.az
Hadisənin gedişatını izləmək üçün ain.az saytında ən son yeniliklərə baxın.
