"Sabah" Premyer Liqada "Turan Tovuz"u səfərdə məğlub edib.
Sportinfo.az xəbər verir ki,XV turun oyunu Bakı təmsilçisinin 3:1 hesablı qələbəsi ilə yekunlaşıb.
Qonaqların heyətində 31-ci dəqiqədə Coy Lens Mikels hesabı açıb.
68-ci dəqiqədə Velko Simiç fərqi iki topa çatdırıb. 79-cu dəqiqədə Umarali Raxmonaliyev komandasının üçüncü qoluna imza atıb.
Tovuz klubunun heyətində Filip Ozobiç 82-ci dəqiqədə adını tabloya yazdırıb.
Qonaqların ikinci qolundan sonra tovuzlu azarkeşlər baş məşqçi Kurban Berdiyevin ünvanına "istefa" şüarları səsləndirib.
Bu nəticədən sonra xallarının sayını 31-ə çatdıran "Sabah" birinci pillədə qərarlaşıb. "Turan Tovuz" 24 xalla beşincidir.
“Turan Tovuz” - “Sabah” 1:3
