“Barselona”nın hücumçusu Robert Levandovski La Liqanın 16-cı turunda “Osasuna”ya qarşı keçirilən və 2:0 hesabı ilə başa çatan oyunda meydana çıxmayıb.
90deqiqe.Az-ın məlumatına görə, 37 yaşlı futbolçu fiziki diskomfort səbəbindən komandaya kömək edə bilməyib. Xüsusilə, oyunçu budun arxa hissəsində problemlər yaşayır.
Cari mövsümdə polşalı hücumçu 17 oyunda iştirak edərək 8 qol vurub və 2 məhsuldar ötürmə edib. “Barselona” hazırda İspaniya çempionatında liderdir.
