Karakas Vaşinqtonun addımlarını “psixoloji terror və beynəlxalq piratlıq” kimi qiymətləndirir…
Poliqon xəbər verir ki, Venesuela prezidenti Nikolas Maduro ölkənin ABŞ tərəfindən mümkün hərbi müdaxilə təhdidlərinə cavab olaraq müdafiə qabiliyyətini gücləndirdiyini açıqlayıb. Onun sözlərinə görə, respublika milli müdafiə sisteminə dair baxışını yenidən nəzərdən keçirib və onu əhəmiyyətli dərəcədə təkmilləşdirib.
“Venesuela 25 həftə ərzində psixoloji terrora, hərbi müdaxilə təhdidlərinə, pirat hücumlarına və Venesuela nefti daşıyan gəminin ələ keçirilməsinə məruz qalıb; bu, Latın Amerikası və Karib hövzəsində qanuni və diplomatik birgəyaşayış yollarının tam pozulduğu günlər idi”, deyə Maduro Amerikanın Xalqları üçün Bolivarian Alyansının toplantısında bildirib.
Məlumata görə, sentyabrın əvvəlindən etibarən ABŞ ordusu, Amerika kəşfiyyatının narkotik daşınmasında iştirak etdiyini iddia etdiyi gəmilərə zərbələr endirir. ABŞ Dövlət Departamenti Cartel de Los Soles (“Günəşlər karteli”) adlı qurumu terror təşkilatı kimi tanıyıb. Vaşinqton bu kartelin rəhbərinin məhz Nikolas Maduro olduğunu iddia edir.
Dekabrın 10-da ABŞ prezidenti Donald Tramp Venesuela sahilləri yaxınlığında neft tankerinin ələ keçirildiyini təsdiqləyərək, ABŞ-nin nefti özündə saxlayacağını bəyan edib. Venesuela Xarici İşlər Nazirliyi isə bu hadisəni “açıq-aşkar talan və beynəlxalq piratlıq aktı” adlandırıb.
Poliqon.info
