Bakı, 15 dekabr, AZƏRTAC
Bu gün futbol üzrə Misli Premyer Liqasında XV tura yekun vurulacaq.
AZƏRTAC xəbər verir ki, son oyun günündə 2 qarşılaşma keçiriləcək.
Günün ilk matçında “İmişli” Quba Olimpiya İdman Kompleksinin stadionunda “Karvan-Yevlax”ı qəbul edəcək. Görüş saat 14:00-da başlayacaq. Hazırda İmişlinin eyniadlı təmsilçisi turnir cədvəlində 15 xalla 9-cu pillədə qərarlaşıb. Yevlax klubu isə 5 xalla sonuncu – 12-ci sırada yer alıb.
Turun bağlanış oyununda “Neftçi” öz meydanında “Sumqayıt”la qarşılaşacaq. Bu, Bakı klubunun yeni baş məşqçisi Yuri Vernidubun komandanın sükanı arxasında debüt matçı olacaq. Qarşılaşmaya saat 19:00-da start veriləcək. “Neftçi” 14 turdan sonra 16 xalla 8-ci yeri tutur. “Sumqayıt”ın isə 26 xalı var və 4-cü pillədə qərarlaşıb.
Qeyd edək ki, turun əvvəlki oyunlarında “Şamaxı” “Zirə”yə 2:1, “Sabah” “Turan Tovuz”a 3:1, “Kəpəz” “Qəbələ”yə 1:0, “Qarabağ” isə “Araz-Naxçıvan”a 5:1 hesabı ilə qalib gəlib.
