"Serbiya Milli Assambleyasına (birpalatalı parlament) erkən seçkilər 2026-cı ilin sonlarında keçiriləcək".
Bakıvaxtı.az xəbər verir ki, bunu Serbiya Prezidenti Aleksandr Vuçiç bildirib.
"Beş-altı ay ərzində bir sıra bələdiyyələrdə seçkilər keçiriləcək və mən gələn ilin sonunda erkən parlament seçkilərinin keçirilməsini gözləyirəm", - deyə dövlət başçısı xalqa müraciətində bildirib.
Serbiya prezidenti həmçinin tərəfdarlarını parlament binasının yaxınlığındakı çadır düşərgəsini sökməyə çağıracağını qeyd edib. Lakin Vuçiç insanların onu dinləyib-dinləməyəcəklərini bilmədiyini vurğulayıb.
Zeynəb Rzayeva
