Fransanın PSJ klubunun çalışdırıcısı Luis Enrike FIFA tərəfindən 2025-ci ilin ən yaxşı məşqçisi seçilib.
Missiya.Az "Report"a istinadən xəbər verir ki, o, bu nominasiyada Hans-Diter Flik ("Barselona") və Arne Slotu ("Liverpul") qabaqlayıb.
Paris təmsilçisi ötən mövsüm Fransa Liqa 1, Fransa Kuboku və Super Kubokunun çempionu, həmçinin Çempionlar Liqasının və UEFA Super Kubokunun qalibi olublar.
Qeyd edək ki, İngiltərənin qadınlardan ibarət millisinin baş məşqçisi Sarina Viqman "İlin qadın futbol məşqçisi" seçilib.
