Budapeşt, 17 dekabr, AZƏRTAC
Macarıstan hökuməti dövlət universitetlərində pulsuz təhsil yerlərinin maliyyələşdirilməsini artırmaq niyyətindədir.
AZƏRTAC xəbər verir ki, bu barədə hökumət nümayəndələri bildiriblər. Məqsəd ali təhsilin daha əlçatan olması və gənclərin universitetlərə qəbul imkanlarının genişləndirilməsidir. Rəsmilərin sözlərinə görə, əlavə vəsait hesabına pulsuz şöbələrdə oxuyan tələbələrin sayı mərhələli şəkildə artırılacaq, həmçinin tədrisin keyfiyyətinin yüksəldilməsi üçün infrastruktur və elmi-tədqiqat layihələrinə daha çox vəsait ayrılacaq. Hökumət hesab edir ki, bu addım ölkədə ixtisaslı kadr hazırlığını gücləndirəcək və əmək bazarının tələblərinə cavab verən mütəxəssislərin yetişdirilməsinə töhfə verəcək. Yeni maliyyələşdirmə mexanizminin gələn ildən tətbiqi nəzərdə tutulur.
Vüqar Seyidov
AZƏRTACın xüsusi müxbiri
Budapeşt
