İngiltərə Bankı (BoE) cümə axşamı Pul Siyasəti Komitəsində (MPC) 5-4 səs nisbəti ilə əsas faiz dərəcəsini 4.0%-dən 3.75%-ə endirib.
Banker.az xəbər verir ki, bu, 2025-ci ildə dördüncü faiz endirimi olub. Lakin Bank borclanma xərclərinin azaldılmasının tempinin gələcəkdə daha da yavaşıya biləcəyinə işarə edib.
Faiz endirimi bu həftə inflyasiyanın kəskin azalması və BoE əməkdaşlarının 2025-ci ilin sonlarında iqtisadi artımın durğunlaşacağına dair yeni proqnozundan sonra baş verib. Bununla yanaşı, dörd MPC üzvü Böyük Britaniyada inflyasiyanın (G7 ölkələri arasında hələ də ən yüksək səviyyədə qalması səbəbindən) dəyişiklik edilməməsinin tərəfdarı olub.
BoE sədri Endryu Beyli mövqeyini dəyişərək faiz endirilməsinin lehinə səs verib və həlledici rol oynayıb. O bildirib ki, faiz dərəcələri tədricən aşağı düşür, lakin hər yeni endirim növbəti addımların daha çətin qərara çevrildiyini göstərir.
BoE inflyasiyanın yaxın dövrdə hədəfə daha tez yaxınlaşacağını gözlədiyini, lakin yüksək səviyyədə qalma riskinin tam aradan qalxmadığını qeyd edib. Son məlumatlar əmək bazarında zəifləmə, işsizliyin 2021-ci ildən bəri ən yüksək səviyyəyə çatması və özəl sektorda əməkhaqqı artımının yavaşlamasını göstərib.
Bank 2025-ci ilin son rübündə iqtisadi artımın sıfır olacağını proqnozlaşdırır. Britaniya iqtisadiyyatı isə oktyabra qədər olan üç ayda 0.1% daralıb.
