Bakı, 19 dekabr, Aytac Haqverdiyeva, Səfiyar Məcnun, AZƏRTAC
Gələcəkdə tibb sahəsində böyük dəyişikliklər baş verəcək. Artıq süni intellekt həyatımızda aktiv iştirakçıya çevrilib və yaxın gələcəkdə bir çox müalicələr, diaqnostik araşdırmalar və tibbi proseslər süni intellekt vasitəsilə həyata keçiriləcək.
Bunu AZƏRTAC-a müsahibəsində Danimarka Krallığının Kopenhagen Universitetinin professoru Məsud Aşina deyib.
O qeyd edib ki, Azərbaycanda Qafqaz regionında ilk ürək transplantasiyasının uğurla icra edilməsi əslində böyük bir nailiyyətdir.
“Müasir tibbdə əməkdaşlıq çox önəmlidir. Xüsusilə ölkələr və universitetlər arasında əməkdaşlıq vacibdir, çünki müasir tibb birgə fəaliyyətə söykənir və əməkdaşlıq olmadan irəliləyiş əldə etmək mümkün deyil. Bu səbəbdən universitetlər arasında kadr mübadiləsi və təcrübə paylaşımı xüsusi əhəmiyyət daşıyır”,- deyə professor vurğulayıb.
