Bir astrofizik, yadplanetli bir sivilizasiyanın ziyarətinin istisna edilə bilməyəcəyini bildirərək qızğın müzakirələrə səbəb olub.
QHT.az xəbər verir ki, alimlər potensial “yadplanetli döyüş gəmisi” hesab edilən 3i/ATLAS obyektinin cümə günü Yerə ən yaxın nöqtəyə çatacağını açıqlayıblar. O, planetimizdən təxminən 300 milyon kilometr məsafədə, saatda 200 km-dən çox sürətlə hərəkət edəcək. Harvard professoru Avi Loeb obyektin qeyri-adi xüsusiyyətlərini qeyd edərək, bəşəriyyəti ehtiyatlı olmağa çağırıb və vəziyyəti “qara qu quşu” hadisəsi adlandırıb. Loeb, obyektin şəkillərində qeyri-adi quyruq və nikel izlərinin olduğunu, bu trayektoriyanın isə təsadüfi olmadığını bildirib.
Lakin astronomlar arasında geniş fikir birliyi mövcuddur ki, 3i/ATLAS tamamilə təbiidir və Günəş sistemindən kənardan gələn kometadır. NASA və Oksford Universitetinin astronomu Kris Lintott obyektin hərəkətinin və parlaqlığının adi kometalarla izah oluna biləcəyini bildiriblər. Loeb isə həmkarlarını alternativ fərziyyələri nəzərə almamaqda tənqid edib, elmin əsasının öyrənməyə açıq olmaq olduğunu vurğulayıb.
R.İmanov
