Tayvanda duman bombası və bıçaqla həyata keçirilən hücumlar baş verib. Hadisələrdə 2 nəfərin öldüyü, təxminən 9 nəfərin yaralandığı bildirilib.
Manset.az xarici mediasına istinadən xəbər verir ki, Tayvanın paytaxtı Taypey şəhərində metro stansiyasına duman bombası ilə hücum edilib, ardınca bir ticarət mərkəzində bıçaqla hücum təşkil olunub.
Rəsmi qurumlar hücumlarda 2 nəfərin həlak olduğunu, təxminən 9 nəfərin yaralandığını açıqlayıb. Hadisələrdən sonra şəhər ərazisində təhlükəsizlik tədbirləri gücləndirilib.
Tayvan Milli Polis İdarəsi bildirir ki, şübhəli polis təqibi zamanı bir binadan atılaraq həyatını itirib.
