Estoniya məhkəməsinin böhtan iddiası ilə bağlı qərarından sonra Avropa İttifaqı diplomatiyasının rəhbəri Kaya Kallas "Facebook" səhifəsində rəsmi üzrxahlıq mesajı yerləşdirib.
"Cebheinfo.az" Oxu.Az-a istinadən xəbər verir ki, bu barədə "EADaily" məlumat yayıb.
Nəşrin məlumatına görə, Estoniya məhkəməsi Kallasa Ailə və Ənənələrin Müdafiəsi Fondundan açıq şəkildə üzr istəməyi tapşırıb.
Məhkəmə qərarı Kallasın 17 fevral 2022-ci il tarixli açıqlamalarına əsaslanıb. Həmin açıqlamalarda o, fondu 2021-ci ilin payızında polis əməkdaşlarına hücum etməkdə və icazəsiz mitinq təşkil etməkdə ittiham edib. Ötən ilin dekabr ayında məhkəmə bu ittihamların yalan olduğuna qərar verib.
"Cebheinfo.az"
