“Barselona” La Liqada ardıcıl 8-ci qələbəsini qazanıb.
Msport.az xəbər verir ki, kataloniyalılar 17-ci turda “Vilyarreal”i 2:0 hesabı ilə məğlub edib.
Komandalar İspaniyanın Vilyarreal şəhərindəki “Keramika” stadionunda qarşılaşıblar. Xavyer Alberola Roxasın idarə etdiyi görüşdə “Barselona”nın qollarını 12-ci dəqiqədə Rafinya və 63-cü dəqiqədə Lamin Yamal vurub.
Bu nəticədən sonra “Barsa” 46 xalla turnir cədvəlinə başçılıq edir, ikinci pillədəki “Real”ın aktivində 42 xal var.
