Ajans.az xəbər verir ki,aktrisa bu addımı TIME France jurnalı üçün baş tutan fotosessiya zamanı atıb. Ön görünüş fotosunda Jolie qara sviterdə obyektiv qarşısında poza verir: bir qolu çarpayıya söykənib, baxışları isə kameraya yönəlib. O, çapıqlarını gizlətməmək qərarını izah edərək bildirib ki, bunu oxşar tibbi proseslərdən keçmiş və ya döş xərçəngi ilə mübarizə aparan bütün qadınlara dəstək olmaq üçün edib. “Bu çapıqları sevdiyim çoxlu qadınla bölüşürəm. Hər dəfə başqa qadınların çapıqlarını görəndə bu, mənim üçün emosional an olur”, – deyə Jolie vurğulayıb və əlavə edib ki, məlumatlandırıcı kontekstdə onların yanında olmaq istəyib. TIME France üçün hazırlanan xüsusi rubrika döş sağlamlığı, profilaktika və döş xərçəngi barədə maarifləndirici, əhatəli materiallarla müşayiət olunur. Oskar mükafatı laureatı olan aktrisa 2013-cü ildə BRCA1 gen mutasiyasının daşıyıcısı olduğunu öyrəndikdən sonra döş xərçəngi inkişaf riskinin yüksək olması səbəbilə ikitərəfli profilaktik mastektomiya əməliyyatı keçirmək qərarını açıqlamışdı. Həmin vaxt bu qərar dünya ictimaiyyətində geniş rezonans doğurmuşdu.
