Bu yaxınlarda Rusiya əvvəllər rus təbliğatı tərəfindən aqressiv şəkildə təriflənən yeni S-500 zenit-raket kompleksinin döyüş vəziyyətinə gətirilməsini elan edib. Lakin bu silahın real effektivliyi sual altında qalır. Həmçinin Rusiyanın onu seriyalı istehsal etmək qabiliyyəti də, silah mövzusunda ixtisaslaşmış amerikalı jurnalist Peter Suçiu The National Interest üçün yazdığı məqalədə qeyd edir.
Poliqon-nun məlumatına görə, silah məsələləri üzrə ixtisaslaşmış amerikalı jurnalist Peter Suçiu "The National Interest" nəşrində yazır ki, Rusiya Federasiyasının onu kütləvi istehsal etmək qabiliyyətinə şübhə ilə yanaşır.
Müəllif qeyd edir ki, hərbi imkanlarla lovğalıq etmək - Rusiyanın əsrlər boyu məşğul olduğu və bəlkə də ən yaxşı bacardığı şeydir. Lakin real qabiliyyətlər həmişə elan edilənlərə uyğun gəlmir:
"Su-57 bunun nümunələrindən biridir. Havada nümayişlərdə izdihamları heyran edə bilən, lakin Ukraynadakı müharibədə praktiki olaraq iştirak etməyən təyyarə. Eynilə, rus əsas döyüş tankı T-14 "Armata" silahlanmaya qəbul edilmiş ən yaxşı zirehli maşın kimi təqdim edildi, lakin konveerdən bu cür tankların iyirmidən azı çıxdı və onların da heç biri istifadəyə verilmədi".
Rusiyaya xas üslubda, keçən günlər Moskvada yeni S-500 "Prometey" zenit-raket kompleksinin, S-400-dən daha effektiv olacağı iddia edilən imkanları təbliğ edilib.
"Bizim potensial rəqiblərimizin sadəcə S-500 kimi uzaqmənzilli raket imkanları olan sistemləri yoxdur. "Prometey"in xüsusiyyətləri ən yaxın rəqiblərimiz arasında misilsiz olaraq qalır", deyə Rusiyanın Hərbi-Siyasi Təhlil Bürosunun rəhbəri Aleksandr Mixaylov bildirib.
Onun sözlərinə görə, yeni kompleks nəinki döyüş təyyarələrini, hətta NATO-nun hələ yaradılmamış olanlar da daxil olmaqla hipersəs sürətli raketlərini və hətta aşağı orbitdəki peykləri də tuta biləcəkmiş.
"O, hədəfləri 600 kilometrə qədər məsafədə aşkar edə və "torpaq-hava" sinifli raketlərlə 500 kilometrə qədər məsafədə vura bilər", deyə Mixaylov əlavə edib və bu kompleksin ABŞ-ı çox əlverişsiz vəziyyətə salacağını bildirib.
Poliqon.info
