ABŞ prezidentinin Qrenlandiya üzrə xüsusi nümayəndə təyin olunmuş Ceff Lendri Vaşinqtonun adanı ilhaq etmək niyyətini açıqlayıb.
AzPost bildirir ki, o, bu barədə sosial şəbəkədə yazıb.
“Təşəkkür edirəm, Prezident Tramp! Qrenlandiyanı ABŞ-ın bir hissəsi etmək üçün sizə könüllü olaraq xidmət etmək mənim üçün şərəfdir”, – deyə o, X sosial media platformasında yazıb.
Lendri yeni vəzifələrinin Luiziana qubernatoru kimi işinə təsir etməyəcəyini vurğulayıb.
ABŞ Prezidenti Donald Tramp bazar ertəsi günü Qrenlandiya üzrə xüsusi nümayəndə təyin olunduğunu elan edib. Danimarka xarici işlər naziri Lars Lökke Rasmussen də öz növbəsində Vaşinqtonu krallığın ərazi bütövlüyünə hörmət etməyə çağırıb.
Ağ Ev dəfələrlə Qrenlandiyanın ABŞ-ın bir hissəsi olması lazım olduğunu bildirib. O, bu ərazilərin milli təhlükəsizlik üçün strateji əhəmiyyət kəsb etdiyini bildirib. Lakin Amerika lideri Qrenlandiya üzərində nəzarəti bərqərar etmək üçün hərbi gücdən istifadə etməyəcəyinə söz verməkdən imtina edib. Bu arada Kopenhagen adanın satılmadığını bildirib.
Qrenlandiya 1953-cü ilə qədər Danimarka müstəmləkəsi idi, hazırda Krallığın bir hissəsi olaraq qalır. Lakin 2009-cu ildə muxtar status alıb. Bu, ona özünüidarəetmə və daxili siyasətdə müstəqil seçim etmək imkanı verib.
