Britaniyalı müğənni və gitaraçı Kris Ri 74 yaşında vəfat edib.
Yeniavaz.com xəbər verir ki, bu barədə BBC məlumat yayıb.
Musiqiçinin ailəsindən verilən açıqlamada onun dekabrın 22-də qısamüddətli xəstəlikdən sonra xəstəxanada, yaxınlarının əhatəsində dinc şəkildə dünyasını dəyişdiyi bildirilib.
Qeyd edək ki, 1990-cı illərdə musiqiçiyə xərçəng diaqnozu qoyulub, 2001-ci ildə isə mədəaltı vəzinin çıxarılması üçün əməliyyat olunub.
2016-cı ildə Ri insult keçirib, lakin musiqi karyerasını davam etdirib. Bir il sonra o, Oksfordda verdiyi konsertdən zamanı yıxılaraq xəstəxanaya yerləşdirilib.
