İngiltərə Premyer Liqasının 17-ci turunda “Fulhem” və “Nottingem Forest” arasında keçirilən oyun başa çatıb.
İdman.Biz xəbər verir ki, “Fulhem” 1:0 hesabı ilə qalib gəlib. Oyun Londondakı “Craven Cottage” stadionunda baş tutub.
Raul Ximenes matçın yeganə qolunu 45-ci dəqiqədə penaltidən vuraraq londonluların qələbəsini təmin edib.
Bu oyundan sonra “Fulhem” 23 xalla 13-cü, “Nottingem Forest” isə 18 xalla 17-ci yerdədir.
Növbəti turda “Fulhem” 27 dekabrda “Vest Hem Yunayted”lə, “Nottingem Forest” isə həmin gün “Mançester Siti” ilə qarşılaşacaq.
