Cebheinfo saytından verilən məlumata görə, ain.az xəbər verir.
Amerikalı tanınmış mühafizəkar jurnalist və “Fox News”-un keçmiş aparıcısı Taker Karlson ABŞ ilə Rusiya arasında faktiki müharibə vəziyyətinin mövcud olduğunu iddia edib.
Karlsona görə, bu vəziyyətin əsas səbəbi Amerika cəmiyyətini və siyasi elitasını bürüyən “Rusiyaya qarşı isteriyadır”.
"Cebheinfo.az" xəbər verir ki, sərt xarici siyasət tənqidləri və Moskva ilə dialoqu dəstəkləyən mövqeyi ilə tanınan Karlson bildirib ki, tərəflər arasında rəsmi müharibə elan olunmasa da, mövcud qarşıdurma, sanksiyalar, Ukraynaya verilən hərbi dəstək və düşmənçilik ritorikası müharibə vəziyyətinə işarə edir.
Karlson bununla kifayətlənməyərək, Moskva ilə Vaşinqton arasında əməkdaşlığın dünyanı daha təhlükəsiz edə biləcəyini irəli sürüb.
Jurnalist bu məqsədə çatmaq üçün tərəflərin aşağıdakı addımları atmalı olduğunu qeyd edib:
- Avropa və Asiyada ortaq təhlükəsizlik arxitekturası qurmaq
- Ekstremizmə qarşı birgə mübarizə aparmaq
- Sərhədləri gücləndirmək
- Ticarəti inkişaf etdirmək.
Karlsonun bu çağırışı, Rusiyanı məhdudlaşdırılmalı və təcrid edilməli rəqib kimi görən Vaşinqtondakı mövcud yanaşma ilə ziddiyyət təşkil edir.
Onun bu çıxışı Kremlin sözçüsü Dmitri Peskovun son açıqlamalarından sonra gəlib. Peskov bildirib ki, mövcud fikir ayrılıqları aradan qaldırılarsa, Rusiya ilə ABŞ arasında münasibətlərin bərpası perspektivi mövcuddur.
O, ziddiyyətlər həll olunduğu təqdirdə ikitərəfli münasibətlərin “kifayət qədər dərin böhran vəziyyətindən” çıxarıla biləcəyini vurğulayıb.
Karlson kimi səslər hazırda ABŞ siyasətinə birbaşa təsir göstərməsə də, mövcud fikir ayrılıqlarını əks etdirir və iki ölkə arasında münasibətlərin daha təhlükəli mərhələyə keçməsinin qarşısını almaq üçün dialoqun və gərginliyin azaldılmasının vacibliyini önə çəkir.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son xəbərləri və yenilikləri almaq üçün ain.az saytını izləyin.
