ain.az, Metbuat portalına istinadən məlumat verir.
İçərişəhərdə yol hərəkətinin təhlükəsizliyinin artırılması məqsədilə sürət həddini azaldan maneələr quraşdırılıb.
Metbuat.az xəbər verir ki, bu barədə "İçərişəhər Dövlət Tarix-Memarlıq Qoruğu İdarəsi"nin İdarə Heyətinin üzvü Aytac Əlisultanlı İdarənin 2025-ci ilin yekunlarına həsr olunmuş mətbuat konfransında məlumat verib.
Onun sözlərinə görə, aparılan müşahidələr göstərir ki, artıq bir neçə küçədə bu tədbir öz müsbət nəticəsini verib: “Müşahidələrimiz onu göstərib ki, tətbiq uğurludur və real təsiri var. Həmin ərazilərdə süni intellekt əsaslı kameralar quraşdırılıb. Sürət həddi aşıldığı halda inzibati qaydada cərimələr tətbiq olunacaq”.
Qeyd olunub ki, görülən tədbirlər İçərişəhərin tarixi ərazisində həm piyadaların, həm də sakinlərin təhlükəsizliyinin təmin edilməsinə xidmət edir.
Daha ətraflı məlumat və yeniliklər üçün ain.az saytını izləyin.
