Amerikalı tədqiqatçılar virtual reallıq (VR) texnologiyasından istifadə edərək yeniyetmələrdə aqressiv davranış və sosial problemləri azaltmağa kömək edən yeni proqram hazırlayıblar. Virginia Commonwealth University (VCU) alimlərinin hazırladığı “Impact VR” proqramı sosial-emosional bacarıqları öyrədən oyunlaşdırılmış tapşırıqlarla istifadəçiləri interaktiv virtual mühitdə məşğul edir.
Redaktor.az xəbər verir ki, bu barədə "VCU Health" xəbər mərkəzi məlumat yayıb.
Tədqiqat davranış pozuntusu olan yeniyetmələrdə aqressiyanı və antisosial davranışları azaltdığını göstərib. Həkim-psixoloq Nikolas Tomson, Ph.D., bu texnologiyanın xüsusilə intensiv müalicəyə çətin çıxışı olan uşaqlar üçün faydalı olduğunu bildirib. “Conduct disorder” (davranış pozuntusu) kimi ən yayılmış uşaq psixoloji problemlərindən biri ilə mübarizədə VR-texnologiyanın istifadəsi irəliləyiş sayılır.
Tomson qeyd edib ki, bu cür qısa müddətli, aşağı xərc tələb edən yanaşma yeniyetmələrin sosial-emosional inkişafında böyük irəliləyişə səbəb ola bilər və bu yanaşma mental sağlamlıq üçün əhəmiyyətli bir yenilikdir. Proqram gənclərdə emosiyaların tanınması, sosial siqnalların anlaşılması və problemlər qarşısında daha uyğun davranış modelinin formalaşmasına kömək edir.
Xədicə BAXIŞLI
