"Mançester Yunayted" yarımmüdafiəçi və kapitanı Bruno Fernandeşin zədəsinin 17 yanvarda “Mançester Siti” ilə keçiriləcək Premyer Liqanın 22-ci tur matçına qədər sağalacağını gözləyir.
İdman.Biz “The Times” qəzetinə istinadla xəbər verir ki, portuqaliyalı yarımmüdafiəçinin beş oyunu buraxacağı gözlənilir - dördü Premyer Liqada, biri isə İngiltərə Kubokunda.
Qeyd olunur ki, Fernandeş Premyer Liqanın 17-ci turunda “Aston Villa”ya 2:1 hesabı ilə məğlub olduqları oyunda yumşaq toxuma zədəsi alıb və fasilədə əvəzlənib. Zədə əvvəlcə düşünüləndən daha az ciddi olub.
Portuqaliyalı yarımmüdafiəçi 2020-ci ilin qışında “Mançester Yunayted”ə qoşulub.
