Dekabrın 24-də şair Əli Çağlanın “Katarina” adlı şeirlər kitabının təqdimat və imza günü keçiriləcək.
Kulis.az xəbər verir ki, tədbir saat 14:00-da Azərbaycan Yazıçılar Birliyinin Natəvan klubunda baş tutacaq.
“Yabasa Yayınları” tərəfindən nəşr olunan kitabda müəllifin yeni poetik axtarışları və fərqli estetik baxışı yer alıb. Təqdimatda şairin yaradıcılığı haqqında çıxışlar ediləcək, oxucular üçün imza mərasimi təşkil olunacaq.
Tədbir Azərbaycan Yazıçılar Birliyinin Xaqani küçəsi 53 ünvanında yerləşən binasında keçiriləcək.
Qeyd edək ki, təqdimat mərasimi ədəbiyyatsevərlər üçün açıqdır.
