ABŞ Müdafiə Nazirliyi (Pentaqon) öz hesabatında ölkənin Çindən gələn birbaşa təhdidlərə qarşı həssas qaldığını etiraf edərək, Hind-Sakit okean strategiyasında "sülhməramlılıq və güc yolu ilə təcavüzün qarşısını alma" yanaşmasının vacibliyini vurğulayıb.Pentaqonun "Çin Xalq Respublikası da daxil olmaqla, hərbi və təhlükəsizlik sahəsindəki inkişaflar 2025" adlı hesabatında Çinin hərbi genişlənməsi, Xalq Azadlıq Ordusunun (XAO) imkanları və ABŞ təhlükəsizliyinə qarşı risklər təhlil edilir.

Hesabatda Çinin əməliyyat nüvə başlığı ehtiyatının 2024-cü il ərzində 600-lərdə qaldığı bildirilir və əlavə olunur: "Böyümə əvvəllər təxmin ediləndən daha yavaş olsa da, 2030-cu ilə qədər 1000-i keçəcəyi gözlənilir".
Çinin "DF-27" qitələrarası ballistik raketinin (QBR) ən uzun mənzilli atış məsafəsinin 5000-8000 kilometr olduğu və Çinin ən uzun mənzilli gəmi əleyhinə ballistik raketi olduğu bildirilir. Hesabatla paylaşılan xəritədə bu mənzilin Çinə Alyaska və Havay da daxil olmaqla ABŞ-ın materik hissəsini hədəf almağa imkan verdiyi göstərilir.

Hesabatda qeyd olunur ki, Çinin nüvə başlığı istehsalı yavaşlayıb, lakin Pekinin "erkən xəbərdarlıq əks-hücumu" kimi təsvir edilən yanaşması sayəsində raketlər "hazırdır və hücum halında tez cavab verməyə qadirdir".

Hesabatda raket hücumu xəbərdarlığının düşmənin ilkin hücumundan əvvəl əks-hücuma keçməyə imkan verdiyi vurğulanır və əlavə olunur ki, "Çin növbəti 10 il ərzində bu qabiliyyəti inkişaf etdirəcək və təlimlərini davam etdirəcək".

aia.az
Tərcümə şöbəsi

• Təhdid
• Tədbirlər
• Pentaqon
• Çəkindirmə