Latakiya vilayətində təhlükəsizlik qüvvələri ilə silahlı qruplaşma arasında əməliyyat keçirilib...
Poliqon xəbər verir ki, Suriyanın qərbində yerləşən Latakiya vilayətində təhlükəsizlik qüvvələri ilə toqquşmalar zamanı üç nəfər həyatını itirib. Hadisə barədə Latakiyanın daxili təhlükəsizlik komandanı briqada generalı Abdüləziz Hilal əl-Əhməd məlumat verib.
Generalın SANA dövlət agentliyinə verdiyi açıqlamaya görə, əməliyyat «Sərayə əl-Cavad» cinayətkar qruplaşması və keçmiş zabit Süheyl əl-Hasanla əlaqəli şəbəkəyə qarşı həyata keçirilib. Rəsmi məlumatlara görə, həmin qrup qətllər, ədalətsiz edamlar, əl işi partlayıcı qurğuların quraşdırılması və təhlükəsizlik qüvvələrinin mövqelərinə hücumlarda şübhəli bilinir. General əl-Əhməd bildirib ki, qruplaşma Yeni il bayramı zamanı hücumlar planlaşdırırdı və mülki əhaliyə birbaşa təhlükə yaratmışdı.
Əməliyyat nəticəsində şəbəkənin bir üzvü həbs olunub, üçü öldürülüb. Partlayıcı qurğular, silah və sursatlar götürülüb. Lataqiya vilayəti, dekabr 2024-cü ildə devrilmiş prezident Bəşər əl-Əsədin mənsub olduğu əlaivit azlığının tarixi mərkəzi kimi tanınır. Onun devrilməsindən sonra yeni hakimiyyət bir neçə dəfə əvvəlki rejim tərəfdarlarına qarşı təhlükəsizlik əməliyyatları həyata keçirildiyini açıqlayıb.
Poliqon.info
